菲比媽媽

2013年10月13日星期日

話説1歲BB食乜都要自己用手攞，幾日無食飯，我又想佢有d米氣，發明左個煎飯薄餅，要薄因為BB食厚餅更messy！

（初嘗試，賣相不佳）

蛋黃、飯，搓飯到黏性，壓平，塗蛋黃漿，用易潔鑊中至慢火煎至蛋漿全熟。伴上蔬菜。

BB liked!

BB到左一歲左右，開始有自己意見、喜好。對於食物，亦有不同的態度。

很多BB不再鍾意被餵食，喜歡用雙手感受食物的質感，甚至把吃進口中的食物吐出玩弄，家長往往怕弄髒地方而制止，其實BB藉著玩弄食物而增加對食物的認識，有助他們對食物的興趣。

另外，BB對大人食物的興趣多於BB食物。家長可以煮一些淡味餸菜與BB一同進食，例如灼瓜菜、蒸魚。BB的口味亦會經常改變，如果BB表現不喜歡某種食物，可於一星期後再嘗試。

此階段可能BB食量會較少，增重速度亦較慢，但只要BB有增重，精靈活潑就不用擔心。

如果家長擔心的話，就要帶BB見醫生及營養師。

-----------------------------------

Finger food例子（粒狀／條狀）

1）澱粉類：薯仔、蕃薯、意粉、螺絲粉、蕎麥麵、麵包

2）蔬菜類：菜心莖、西蘭花、青瓜、西芹、紅蘿蔔、青豆、車厘茄

3）蛋白質類：硬豆腐、雞柳

4）各式水果

BB本來好肯飲水，差不多11個月開始變得非常有主見，俾水佢一定「灑手拎頭」！結果我不斷換飮水方法，又扮好飲、又讚、同佢一齊飲，有時仲特登俾餅餅、麵包俾食，食到好口乾先俾水佢，等佢覺得飲水好舒服，呢兩日叫做好少少！

左上：用左1-2個月嘅Melody吸管杯

左下：新買的Avent 12m+ 學習杯

右上：我隻杯

右下：加吸管

BB 10個月大嘅咀嚼能力已經好好，可以食倒煮淋嘅食物粒粒，仲識得先用牙（現有6隻）咬碎d食物，不過有時太心急，未咀嚼好就吞，正一為食豬！

蛋黃花黃椒翠肉瓜粉粉 (pasta)

9m3w大的BB第一次病，發燒同喉嚨發炎。除左人奶外，固體又食咩又易消化、又有營養呢？一般醫生可能會教媽媽煲白粥俾BB食，不過我覺得白米煲粥唔夠營養，所以有少少改良 -- 有機胚芽米小米粥。

胚芽米係成粒米種籽儲存營養的部份，而小米含蛋白質及維他命都比白米高，兩者都容易消化，營養豐富！BB胃口好d後可加少少節瓜，水份高；蛋白質類食物可以視乎情況而停1-2日，慢慢可加少少白肉魚如鯇魚，不要加三文魚因為脂肪較高較難消化。

有機胚芽米小米節瓜粥

做法：

胚芽米、小米、一小片陳皮煲成粥，將近得時加入節瓜小粒煮至淋，即成！

唔想BB食咁多添加劑，唯有自己勤力d整嘢食。剛買左部象印mini，今日放假就趁BB瞓左拿拿淋做家務煲BB飯同粥（明天上班所以今日要預備好），自己食少少嘢同埋整麵包！

第一次整就好成功！呢部機又易用又易洗，最緊要係細細部好慳位。以後一家都有無添加麵包食喇^^

尋日BB食到好似有d唔願食咁，唔知係咪平時太為食食滯左，下晝一於煲小米粥俾佢，肉都唔落，等佢易d消化。

材料：

陳皮、小米、珍珠米、小棠菜葉、少量紫蕃薯